الصفحة الرئيسية › ثقافة

ثقافة من بين أغانيه "مظلومة" و"الوردة": بندريمان يدعو وزارة الثقافة الى الاهتمام بالفنان عبد الرزاق قليو أحد أبرز رموز المزود التونسي

دعا بندريمان وزارة الثقافة الى الاهتمام بالفنان عبد الرزاق قليو، أحد أكبر رموز المزود التونسي، الذي يمر بوضع صحي حرج. وذكر بندريمان ما يلي:  

"عبد الرزاق قليو، من اكبر رموز المزود التونسي، عشرات الغنايات، مظلومة يا دنيا، خمسة والخميس عليكم، الوردة، علاش يا دنيا، المرحوم. 
عبد الرزاق عاودولوا غناياتو، فرّح آلاف العايلات في عروساتهم، مالاشخاص القلائل الّي مازالوا حافضين النّوب القدم..
اليوم عبد الرزاق مريض برشة، الوزارة تعرف، المسؤوليين تعرف، الفنّانين يعرفوا، شكون سأل عليه؟ 
شكون عطاه حقّو؟ ماهوش طالب شيء و عمرو ما طلب شيء خاطرو فنّان و ولد ربط، اما الاعتراف بالجميل احسن من الف دواء رعم اللّي كان ينجّم بحقوق التّأليف ماعادش يعرف طرف خلاه.
الفنّان لطفي بوشناق الوحيد مالفنانين الكبار الّي كلّمو و عاونو و كلّم عليه الطّامة و العامّة من غير اشهار و لا شوشرة.
عيب كونو الوزارة تدشّن رونپوانات و تخلّي فنّانينا الصّحاح فيبالهم ماهمش بش يتذكّروهم النّاس .
قليو بش نتذكروه اجيال ورا اجيال خاطرو علّمنا الكلام المرطوب الشّعبي، خاطر خالطّو ونعتبرو اكثر من خويا الكبير، ونعرفو قدّاش رجلة.
ربّي يشفيلنا رزوڤة، يخلّيلنا لطفي بوشناق، و يهديلنا سيد الوزير".